| 眨一下眼就到了九月，時間過得真是快啊！
下個星期五就是開學禮啦！希望趕得切做好開課準備啦！
呢個仲未最大鑊，跟住923果單對於我黎講，先至大鑊呀！
我仲未開始做呀！點算呀？希望能夠有多些同學可以得閒返黎幫手啦！
如果大家對畢業禮有什麼好建議，請多多幫忙，將建議話我知啦！
希望呢次可以做得順順利利啦！
因為呢次係我在YW最後一個活動啦！我希望大家都可以留低美好的回憶！ |
| |
| 呢幾日繼續收生！希望快些收完啦！
馬拉松式的收生真是很累人呀！好多謝收生返校幫忙的同學，我同EMIL好想請佢地食飯多謝佢地！不過可能我地因此而破產！哈哈！
好快又要開學啦！對我而言，即係好快又要畢業禮啦！希望923會見到所有同學啦！因為果日對於我而言係一個特別既日子！
好期待！
|
| |
| 呢排忙於攪就業轉介工作，真係好耐都冇上過黎！唔知D同學搵工搵成點呢？
搵到工既同學，記得話聲我聽，等我替你開心一下！
做就業轉介真係好用時間，我每日上網搜尋每日新工，有時又要打電話俾僱主問下佢有冇興趣JOIN我地既服務，真係一個唔覺，就用了一個上午，乜都做唔到！
我現在叫同事寫緊個就業轉介網頁DB，如果寫好就好啦！以後同學直接上網見到我POST上去既工，好過用EMAIL。我用了幾日既EMAIL，個A/C都俾我用到爆左！幾犀利！
到時新網頁寫好，各位同學記得多D上黎望下，如果搵到工就自動SUBMIT我知，幾方便！
下個星期就係一連三日既收生日，得閒既同學記得返黎幫手呀！ |
| |
| 不知不覺....不知不覺......又過了一屆！好多事情，都在不知不覺中渡過......
又過一屆！每年這個時候，都總是百感交集的時候！
唔捨得、高興、勞氣、安慰、嘆氣......
至於因為什麼事而有這樣感覺，各位可以想像一下！
無論怎樣，一年的時間都是值得珍惜的！
無論甜酸苦辣，嚐過都是人生的一部分，我們都不會再有機會試第二次！
所以......
期望大家有個難忘的最後一次......惜別會！
|
| |
| 放完復活節假，個人真係好似復活好多喎！
(因為我請多一日假，當然會比人復活多D啦！哈~~)
我今一返到學校(其實我今日返夜，係返兩點)，見到檯面部電話係咁閃，
唔知點解個心都跟住跳起上，有D不詳既預兆。
萬分不願地聽返留言，嘩！有成十三個咁多
(其實唔算係認真多，因為我試過有廿幾個留言)，
愈聽愈驚，跟住連眼都跳埋，唉！點解？
點解你地唔放過我，放假即刻俾單我嘆？
好彩有E貓幫我頂(好姊妹，我真係對唔住你啦！要你幫我受埋添)
你地(出實習果班)仲未激夠我咩？我望住檯面張出席率報告已經好愁！
張報告有陰影既格仔(即係唔夠出席率既科目)多到好似拆炸彈既炸彈咁，
點解你地有咁多科唔夠呀？天呀~~(欲哭無淚)
跟住有公司打話叫我去接班學生返？！
啊~~你地只係出一個星期實習咋！咁快就原形畢露？
唔該所有有習慣遲到既同學，請你用盡辦法令到自己唔會遲到！
仲有，實習既作用係學、學、同埋學，唔係玩，唔係發呆，
你要人賞識你既才能，係要做出來既，唔係靠把口或發夢！
祝你地好運！祝我好運！亦都祝E貓好運！
努力呀！姊妹！
|
| |
