So happy!! Nominated for the Excellence in Teaching Award!! Although it's highly unlikely to win, being nominated is already a huge encouragement! This is such a lovely birthday present~hahaa...Wish me luck!

Dinner tonight: Terikyaki beef with rice (left over from last night..haha..) and drunken chicken wings

It's my improved (?) version...adding a lot of ginger, garlic and shallots to spice it up

The alcohol is indeed quite strong..so I had to pour away the sauce and put the leftovers in a seperate box after dinner tonight, otherwise I will get drunk by eating them!

似乎寫英文係無人會睇...所以今次唔好o甘懶~打中文。

其實自從入左大學之後就好少寫中文喇﹐就算寫都係打﹐過左澳洲之後就直頭懶到連打都費事﹐ 打英文算。所以之前我granny個funeral我幫手寫D花圈帛金做record﹐照住抄都寫唔掂﹐被D親戚朋友笑囉(我老豆仲要辯護我話我中文羅A架...o甘又點~交返晒比先生lu)...其實都唔關過唔過澳洲事﹐根本離開中學就已經無機會用手寫中文喇。前排睇新聞話而家香港D細路唔識寫字﹐都係因為o甘解﹐平日用電腦打字太多喇﹐用倉頡都仲好D﹐用速成或者無用如我打粵語拼音(國語拼音都仲話可以學識正確國語發音﹐粵語拼音真係無作為)就真係隨時變文盲﹐讀中學都仲有科中文會寫o下字(除非你讀中中喇)﹐入左大學就真係無機會喇。我呢批老野細個都仲會同D同學仔寫o下信(都唔知有咩好寫﹐日日見住﹐放學又一齊玩﹐夜晚傾完電話都仲要MSN都仲寫信~)﹐而家D細路就更家唔會喇。中文真係一個太複雜o既語言喇﹐用少一陣都會無晒﹐所以我都係寫多D中文好...

講完寫中文﹐講下呢排做乜喇。基本上係改卷呀﹐三份assignments加兩個exams喇﹐真係唔知點死。同埋research D野囉...但係progress好慢...太多野一齊黎喇﹐都唔知分得心做邊樣先。12月應該可以返香港一陣﹐都係一陣咋﹐仲有大把野做﹐邊放到心放o甘耐假丫。雖則話D時間好flexible可以work from home o者﹐但係我o係澳洲work from home都唔得啦﹐更何況香港﹐日日去左玩喇!做埋手頭上D野﹐仲有兩份working papers...(以經丟底左無理佢地唔知幾耐)希望可以publish得到喇但係都有排等...唉

工作呀工作呀~成日都係擔心做野...仲邊有心情諗第二D野﹐我今年真係差D連自己就黎生日都唔記得﹐要人提先記得。咪又係o甘過~女人過左25就無野值得慶祝架喇~應該要哀悼添呀~哈哈~

不過呢排變左做家庭主婦~成日煮野食~好好玩wor~同埋都幾好食!中餐西餐日本菜甜品咩都整~不過presentation就唔係好靚﹐或者下次去買多D靚餐具整靚D~不過人地就為左個男人學煮野食﹐我呢~我當係自己娛樂架咋~尤其是D甜品﹐通常都係我自己擦晒~你知我為食又唔多理自己肥唔肥架喇﹐再者"獨食難肥"丫嘛~o甘咪仲好!haha..最衰香港屋企無oven喇﹐煮少好多野架﹐唔係就bake a cake for mum and dad, 而家淨係可以整個唔洗bake o既tiramisu咋~

嘩~~要做野喇~下次再講~

office 非常無聊自拍...無makeup呀今日...(make 咩up丫, 都exam咯﹐呢排成日都係哩埋o係office一個人都唔洗見) 唔係太樣衰o者因為webcam影唔清楚嘛~D dark circles呀pores呀唔見晒~好過電腦執~