Weblog
Tuesday, November 18, 2008
-
胡琳 Wonderfull world concert
星期日晚同一班老友去咗睇另一老友胡琳 Bianca嘅Wonderfull world concert，重拍埋訪問添！
Bianca唱咗廿幾首歌，最正就係特別嘉賓係呀Jun恭碩良！wow...之後就成班老友又去咗打甂爐打到3點！搞到今日把聲變咗做大L，點做節目呢？
Friday, November 14, 2008
-
忙裡偷閒...
我呢幾個月都多嘢做到唔恨！日日18個鐘工作閒閒哋，而每晚瞓3-5個鐘經已係我嘅指定動作！
不過正所謂吊頸都要抖吓氣，呢個月我有唔少老友生日，所以都襯機去賀一賀主人家，順便同啲老友聚吓吹吓水，但我一個習慣，因為我唔飲酒，我每次就會臨12點先出現，一切完蛋糕坐多陣就會返屋企！不過好多frenz都知我呢個習慣，而個個見到我出現都覺得賺咗！哈哈...
呢個月生日嘅朋友生日快樂呀！直到而家喺呢個月生日嘅係Heyman、Carisa、Colleen、Steven...唻緊嘅重有Kaya、Viann、Isabel同埋芝齡！(如果有漏嘅多多包涵呀！)
唔理邊個我識唔識都好！總之祝所有人都生日快樂啦！
Monday, November 10, 2008
-
呢兩個個星期我哋嘅節目呀
一次過兩星期節目預告！
星期一《集體回憶》係新人張苡澂Venus！原來佢係蘭州始娘唻架！佢呢次會同大家講吓佢細個喺蘭州生活嘅趣事添！想聽 嘅話，就記住嗱嗱林click去 http://hk.uonlive.com/pro/PPP 聽吓啦！
星期五《集體回憶~商場篇》我哋有文恩澄同埋GEM現場live呀！GEM重會同各位玩遊戲送佢最新CD添！記住7-8pm 打唻81008181喇！
呢個星期三《Hip Hop Zoho》係年青Hip Hop才俊Arho Sunny，佢今次就帶埋佢自家設計服裝品牌「TMC」同大家講吓佢嘅Hip Hop服裝野心！想知係咩就記得click去 http://hk.uonlive.com/pro/HHZ 聽個痛快啦！
逢星期二晚嘅《韓國精華遊》http://hk.uonlive.com/pro/KOT 呢兩集集我哋會介紹張娜拉屋企附近嘅「一山購物城La Festa」同埋韓國高級時裝批發所在地「木洞」喇。重有我哋重請到啱啱去完日本拍旅遊特輯嘅靚女Viann梁慧恩同大家講吓佢哋嘅韓國旅遊經驗！
逢星期五晚嘅《日本豪華團》http://hk.uonlive.com/pro/JPT 呢兩集集我哋會介紹有兩個大雷門燈籠嘅「淺草」同全東京最大最多新鮮魚嘅地方「築地魚市場「喇，而我哋重搵到啱啱去完日本拍旅遊特輯嘅靚女Viann梁慧恩同大家分享吓佢哋喺日本旅遊嘅經驗添！
Tuesday, November 04, 2008
-
拍教育電視
我Zoho拍教育電視？無搞錯！呢均堅堅都無咁堅！
我上星期就幫《香港學校網絡》拍咗一套名為「幼兒的社交發展」教材，我重係導演唻添，死咪！呢條片係俾各位做父母睇嘅，可以學吓點做老豆老母嘛！
好多人話我唔教壞人都執返身彩，家陣重走唻教人，得唔得架？我就夠膽同大家講，Zoho出品，一定良品，大家放長雙眼睇啦！
我重厚顏到搵咗我兩個老友粉墨登場做呀媽添，其他小朋友都係我監生喺《放學ICU》重金請返唻架！
遲啲應該有得睇架喇，你哋放長雙眼等睇好戲啦！
Saturday, November 01, 2008
-
又到今個星期我哋嘅節目呀
星期一《集體回憶》係蘇姍姐姐！佢今次會同大家講吓佢一啲出外登台嘅趣事！而星期五《集體回憶》我哋又請到赤子嘅呀Yo上唻同大家講吓一啲不可思異哾靈異故事！想聽 嘅話，就記住嗱嗱林click去 http://hk.uonlive.com/pro/PPP 聽吓啦！
而呢個星期三《Hip Hop Zoho》繼續係年青Hip Hop5人組合自遊軍！想知佢哋同hip hop有咩淵源嘅話，就記得click去 http://hk.uonlive.com/pro/HHZ 聽個痛快啦！
逢星期二晚嘅《韓國精華遊》http://hk.uonlive.com/pro/KOT 今集我哋會請到我哋韓國fanz心雨同大家講吓佢哋嘅韓國旅遊經驗！
逢星期五晚嘅《日本豪華團》http://hk.uonlive.com/pro/JPT 今集就係搵到啱啱去完日本玩嘅ThatsWhy同典子同大家分享吓佢哋喺日本旅遊嘅經驗添！
Chatboard (1)